Amerika Qo‘shma Shtatlarining Ukrainaga harbiy yordamining yangi paketi 375 million dollarga baholanmoqda. Bu haqda Pentagon rasmiy saytida ma’lum qilindi.

“Unda HIMARS (g‘ildirakli shassida joylashgan raketa tizimi) uchun qo‘shimcha o‘q-dorilar, artilleriya snaryadlari, tankka qarshi qurollar va 375 million dollargacha qiymatda bo‘lgan muhim qo‘llab-quvvatlash aktivlari kiradi”, – deyiladi harbiy departament xabarida.

Bundan tashqari, paketga TOW va Javelin – tankra qarshi tizimlari hamda og‘ir texnikani tashish uchun yuk mashinalari kiritilgan.

Prezident Jo Bayden bugun Xirosimadagi G7 sammiti doirasida ukrainalik hamkasbi Volodimir Zelenskiy bilan uchrashuvdan so‘ng, Kiyevga qo‘shimcha yordam ajratilishini ma’lum qilgan.

• AQSh
• Pentagon
• Ukraina