“Tabiiy gaz uchun isitish mavsumida belgilangan bazaviy me’yor Respublikamizning barcha hududlarida 15-martga qadar uzaytirildi”, – deya xabar bermoqda Energetika vazirligi.

Ob-havo prognozlarining yangilangan kutilmalariga ko‘ra, sovuq havo massasi O‘zbekistonning boshqa hududlariga ham kirishi ehtimoli tufayli isitish mavsumi uchun belgilangan 500 kub metr bazaviy me’yor barcha hududlarda 2026-yilning 15-martiga qadar uzaytiriladi.

Shuningdek, 15-martdan keyin esa ob-havo sharoitidan kelib chiqib, zarur bo‘lsa, qo‘shimcha choralar ko‘rilishi aytilgan vazirlik xabarida.

Avvalroq, Qoraqalpog‘iston Respublikasi va Xorazm viloyatida gazga bazaviy me’yor 15-martga qadar uzaytirilgandi.

• Energetika_vazirligi
• Gaz
• xabar