9-dekabr kuni Davlat ekologik nazorat inspeksiyasi (Ekopolitsiya) tomonidan Bosh prokuratura, Favqulodda vaziyatlar vazirligi, Milliy gvardiya hamda Ichki ishlar xodimlari bilan birga Toshkent viloyatining Qibray, Zangiota, Yuqori Chirchiq, Yangiyo‘l, Toshkent tumanlari va Toshkent shahrida navbatdagi reydlar amalga oshirildi.

Reyd tadbirlari davomida tadbir boshidan jami 3222 ta obyektning atmosfera havosini muhofaza qilishga oid qonunchilik talablariga qay darajada rioya qilayotgani o‘rganildi. Natijada 24 ta huquqbuzarlik aniqlandi.

25-noyabr – 9-dekabr kunlari o‘tkazilgan o‘rganishlar natijasida:

— 895 ta huquqbuzarlik holati aniqlandi va ma’muriy ish hujjatlari rasmiylashtirildi;

— atrof-muhitga salbiy ta’sir ko‘rsatgan va qonunni buzgan 75 ta (Toshkent viloyatida 66 ta, Toshkent shahrida 9 ta) obyekt faoliyati 10 ish kuniga vaqtinchalik to‘xtatildi;

— 37 ta issiqxona obyektlarida filtrlar o‘rnatildi;

— 6 ta issiqxona obyektlari gaz tarmog‘iga ulandi hamda 7 ta obyekt tomonidan gazga ulanish uchun texnik shartga ariza topshirildi.

Reyd tadbirlari davom ettirilmoqda.

• Ekologiya