Rossiya prezidenti Vladimir Putin Turkiya prezidenti Rajab Toyyib Erdo‘g‘anga o‘nlab odamlarning hayotiga zomin bo‘lgan ko‘mir konidagi avariya munosabati bilan chuqur hamdardlik bildirdi. Ta’ziya xati Kreml saytida e’lon qilingan.

 “Hurmatli janob Prezident, Bartin viloyatidagi ko‘mir konida yuz bergan avariyaning ayanchli oqibatlari munosabati bilan mening chuqur hamdardligimni qabul qiling. Marhum konchilarning oila a’zolari va yaqinlariga samimiy hamdardlik va qo‘llab-quvvatlash so‘zlarini yetkazing. Shuningdek, barcha jabrlanganlarga tezroq sog‘ayib ketishlarini tilayman”, — deyiladi xabarda.

Ma’lumot uchun, bugun, 15-oktyabr kuni Turkiya shimolidagi shaxtada portlash yuz berdi. So‘nggi xabarlarga ko‘ra, portlash qurbonlari soni 28 kishiga yetgan. OAV mahalliy hokimiyatga tayanib xabar berishicha, avvalroq yer ostida 300 metr chuqurlikdagi portlash sodir bo‘lgan joyda 115 ishchi bo‘lgan, ulardan ba’zilari evakuatsiya qilingan.

• Erdogʻan
• Hamdardlik
• Putin
• portlash