Qashqadaryo viloyati Qarshi shahrida erkak o‘ziga tanish ayolning yoniga borib, uni va o‘sha paytda ayolning uyida bo‘lgan sobiq MIB xodimini pichoqladi. Bu haqda viloyat prokuraturasi matbuot xizmati xabar berdi. 

Ma’lum qilinishicha, joriy yilning 26-aprel kuni Qarshi shahrida yashovchi fuqaro X.B. tanish ayolning uyiga borganida u yerda tanishi O.T. (sobiq MIB xodimi)ni ko‘rib, janjallashgan va oshxonadan pichoqni olib kelib, ularga turli darajadagi tan jarohatlari yetkazgan. Oqibatda jablanuvchilar shifoxonaga tushgan.

Shuningdek, X.B. yuqoridagi ayol bilan qonuniy nikohdan o‘tmagan holda doimiy ravishda  jismoniy va ruhiy tazyiq o‘tkazib, uni qiynab kelganligi aniqlangan.

Mazkur holat yuzasidan Qarshi shahar prokuraturasi tomonidan X.B.ga nisbatan Jinoyat kodeksining 109, 110 va 112-moddalari bilan jinoyat ishi qo‘zg‘atilib, dastlabki tergov harakatlarini olib borilmoqda.

• Qashqadaryo
• Qotillik