Ijtimoiy tarmoqlarda maktabda o‘quvchi qizlar kaltaklab ketilgani haqida xabarlar tarqaldi. Holat yuzasidan Qashqadaryo viloyati Ichki ishlar boshqarmasi ma’lumot berdi.

Ma’lum qilinishicha, joriy yilning 8-may kuni taxminan soat 16:30 larda Qarshi shahar 1-sonli maktabning 6-sinf o‘quvchisi voyaga yetmagan qiz A.Sh. va shu maktabning 8-sinf o‘quvchisi voyaga yetmagan qiz T.F.lar o‘rtasida kelishmovchilik sodir bo‘lgan.

Oqibatda voyaga yetmagan A.Sh.ning onasi X.Sh., bir nechta tanishlari bilan maktabga borib, voyaga yetmagan T.F.ni va boshqa voyaga yetmagan qizlarni haqorat qilib, bir nechtasini urib tan jarohati yetkazgan.

Mazkur holat yuzasidan Qarshi shahar IIO FMB huzuridagi Tergov bo‘limi tomonidan O‘zbekiston Respublikasi JKning 277-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.

• Kaltaklash
• Qashqadaryo