Ko‘pkari bo‘yicha Qirg‘iziston prezidenti kubogi finalidan so‘ng ommaviy tartibsizliklar yuz bergani aytilmoqda.

Asosiy bahsda “Dostuk” va "Intimak" jamoalari to‘qnash kelgan. 2:1 hisobidagi g‘alabadan so‘ng, ayrimlar hakamning qaroridan norozi bo‘lishgan va odamlar o’yindan keyin maydonga yugurib tushishib, ba’zilari tosh otishni boshlagan.

O‘sh viloyati ichki ishlar boshqarmasi surishtiruv ishlarini boshlab yuborgan.

Tadbirda Qirg‘iz prezidenti ham ishtirok etayotgan bo‘lgan.
Bosh prokuror va Xalqaro ko‘pkari assosiatsiyasining vaqtinchalik rahbari Qurmanqul Zulushev ham voqeani kuzatib turgan.

O‘shdagi tartibsizliklardan so‘ng Ichki ishlar vazirligi qirg‘iz xalqini mintaqalararo adovatni qo‘zg‘atmaslikdan ogohlantirgan.

Qayd etilishicha, so‘nggi paytlarda ijtimoiy tarmoqlarda turli provokatsion materiallardan iborat xabarlar paydo bo‘lgan. Ichki ishlar vazirligi ushbu postlar va audioyozuvlar mualliflarini qidirmoqda.

Qayd etilishicha, bunday materiallarni tarqatish 200 ming so‘mgacha jarima yoki 5 yilgacha ozodlikdan mahrum qilish bilan jazolanadi.

• Qirg‘iziston
• Sadir Japarov
• Tartibsizlik