“Prezident Donald Tramp Oval kabinetda prezident Putin bilan telefon orqali suhbatlashmoqda", deyiladi Oq uyning X tarmog‘idagi sahifasida e’lon qilingan posti izohida.

Tramp Zelenskiy va Yevropa yetakchilari bilan Oq uyda bo‘lib o‘tgan muzokaralarni “juda yaxshi” deb atadi. Uning so‘zlariga ko‘ra, shundan so‘ng u Putin bilan Zelenskiy ham qatnashadigan uch tomonlama uchrashuvni tashkil etish haqida suhbatlashgan.

“Jarayonni muvofiqlashtirish bilan AQSh vitse-prezidenti Jey Di Vens, davlat kotibi Marko Rubio va maxsus vakil Stiv Uitkoff shug‘ullanadi”, – deb yozdi Tramp Truth Social ijtimoiy tarmog‘idagi sahifasida.

Kreml ham Rossiya va AQSh yetakchilari o‘rtasidagi qo‘ng‘iroq faktini tasdiqladi. Rossiya prezidenti yordamchisi Yuriy Ushakovning aytishicha, Putin va Tramp “Rossiya va Ukraina o‘rtasidagi bevosita muzokaralar darajasini oshirish g‘oyasini muhokama qilishgan”.

• Muzokara
• Putin
• Telefon
• Tramp
• muloqot