27°
Kechasi 17°
Ijtimoiy tarmoqlarda ayol kishining eriga haqoratli so‘zlarni aytib, farzandini urib haqorat qilganligi haqidagi video tarqaldi.
Holat yuzasidan Qoraqalpog‘iston Respublikasi prokuraturasi ma’lumot berdi.
Aniqlanishicha, 19.07.2023-yilda Qorao‘zak tumani, Qutli makon MFYda yashovchi fuqaro P.J. Qozog‘iston Respublikasida ishlab yurgan turmush o‘rtog‘i K.S. bilan yuzaga kelgan kelishmovchilik natijasida, voyaga yetmagan farzdandi T.J.ga tazyiq o‘tkazib, uni haqorat qilganligi tasvirlangan videoni turmush o‘rtog‘i K.S.ga telegram orqali yuborgan.
Mazkur holat yuzasidan 27.07.2023-yilda Qorao‘zak tuman IIB huzuridagi tergov guruhi tomonidan fuqaro P.J.ga nisbatan JKning 110-moddasi 2-qismi “a” bandi (voyaga yetmagan shaxsni muttasil ravishda do‘pposlash yoki boshqacha harakatlar bilan qiynash) bilan jinoyat ishi qo‘zg‘atilib, hozirda tergov harakatlari olib borilmoqda.
Shuningdek, mazkur oilada tarbiyalanayotgan uch nafar voyaga yetmaganlarning ijtimoiy himoyasini ta’minlash maqsadida tuman prokuraturasi tomonidan ularning holidan xabar olinib, maktabgacha va maktab ta’limi hamda ichki ishlar organlarining psixolog xizmati xodimlari jalb qilingan.
Hozirda voyaga yetmaganlar Qozog‘iston Respublikasidan qaytib kelgan otasi K.S.ning qaramog‘iga topshirilgan.
Jinoyat ishi tergovi Qoraqalpog‘iston Respublikasi prokuraturasi tomonidan nazoratga olingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
