Qirg‘izistonda qizamiq bilan kasallanish hollari ortib bormoqda. Ikki hafta ichida o‘sish 1319 ta holatni tashkil etdi, deb yozmoqda Kazinform.

Qirg‘iziston Sog‘liqni saqlash vazirligining Respublika immunoprofilaktika markazi ma’lumotlariga ko‘ra, 2024-yil 8-aprelda mamlakatda qizamiq bilan kasallangan 7864 ta holat qayd etilgan.

Kasallikning umumiy sonining hududiy taqsimoti bo‘yicha: Bishkekda – 2599 ta, O‘shda – 464 ta, O‘sh viloyatida – 1226 ta, Botkenda – 214 ta, Chuy viloyatida – 1836 ta, Jalolobod viloyatida – 1196 ta, Issiqko‘l viloyatida – 130 ta, Talas viloyatida – 105 ta va Norin viloyatida – 94 ta holat qayd etilgan.

Bishkek, Chuy va Jalolobod viloyatlarida virusning qizg‘in tarqalishi hanuzgacha kuzatilmoqda. Kasallikning ko‘payishining asosiy sababi bolalar va kattalar o‘rtasida qizamiq va qizilchaga qarshi muntazam emlashdan bosh tortishning ko‘pligi bo‘lib qolmoqda.

• Qirg‘iziston
• salomatlik