Amerika urushni oʻrganish instituti oʻzining kunlik yangiliklarda kechagi Xerson viloyatiga, shuningdek, 2014-yilda Rossiya tomonidan anneksiya qilingan Qrimdagi aviabazalarga hujumni tahlil qildi.

Institut ekspertlarining fikricha, Kreml Ukrainani Qrimdagi Rossiya obyektlariga hujum qilganlikda ayblamoqchi emas. Sababi, bu Rossiya havo hujumidan mudofaa tizimlarining samarasizligini yana bir bor oshkor qilib qoʻyishi mumkin. Xuddi ukrainaliklar Rossiyaning “Moskva” kreyserini yoʻq qilganidek.

Ayni vaqtda tadqiqotchilar kechagi portlashlarning aniq sabablarini mustaqil baholash uchun maʼlumotlarga ega emaslar. Bir vaqtning oʻzida ikkita obyektda portlash sodir boʻlgani, yongʻinning rasmiy ruscha versiyasini istisno qiladi. Biroq, shu bilan birga sabotaj yoki uzoq masofali raketa zarbasini istisno qilmaydi.

Mutaxassislarning fikriga koʻra, ukrainaliklar modifikatsiya qilingan “Neptun” raketalaridan foydalangan boʻlishlari mumkin. Lekin, hozircha bu farazni tasdiqlovchi dalillar yoʻq.

• Rossiya
• Ukraina