O‘zbekiston delegatsiyasi VI Islom birdamligi o‘yinlaridagi ishtirokini muvaffaqiyatli yakunladi. Saudiya Arabistonining Riyod shahri mezbonlik qilgan musobaqada o‘zbekistonlik sportchilar 29 ta oltin, 35 ta kumush va 32 ta bronza medali qo‘lga kiritib, jami 96 ta medal bilan 57 mamlakat orasida ikkinchi o‘rinni egalladi.

7-noyabrda start olgan musobaqa kecha, 21-noyabr kuni o‘z nihoyasiga yetdi. Musobaqaning so‘nggi kunida O‘zbekiston delegatsiyasi 1 ta kumush va 2 ta bronza medallarini qo‘lga kiritdi.

Musobaqa yakunlariga ko‘ra, Turkiya 72 ta oltin, 35 ta kumush va 32 ta bronza bilan umumjamoa hisobida birinchi o‘rinni egalladi. O‘zbekiston 29 ta oltin, 35 ta kumush va 32 ta bronza bilan ikkinchi pog‘onadan joy oldi. O‘zbekiston bilan bir xil oltin jamg‘argan Eron, kumush medallarning kamligi (19 ta) hisobiga 3-o‘rinni band etdi.

• Islom o'yinlari
• O‘zbekiston
• Saudiya Arabistoni