Kessi ismli ikki oyoqli robot 100 metr masofani 24,73 soniyada bosib o‘tdi. Bu vaqt shunday turdagi qurilmalar uchun rekord natija bo‘ldi.

Kessi 100 m masofani insoniyat rekordchisi Useyn Boltdan 15 soniya sekinroq bosib o‘tdi, ammo u oddiy odamlardan osongina o‘zib ketardi, deya ta’kidlaydi dasturchilar.

Robotni yaratishga Oregon shtat universiteti robototexnika professori Jonatan Xirst rahbarlik qildi. Kessining muvaffaqiyati Ginnesning rekordlar kitobiga kiritildi.

Oldingi tajribalarda Kessi besh kilometrlik masofaga yugurgan. U buni atigi 53 daqiqada yakunladi. Robotga zinadan ko‘tarilish va tushish ham o‘rgatilgan.

Yaratuvchilarning fikriga ko‘ra, Kessi bir vaqtning o‘zida bir nechta jarayon va hisob-kitoblarni amalga oshirishga qodir.

• ilm-fan
• qiziqarli
• texnologiya