Sun’iy intellektning (AI) insoniyatga ta’sirini o‘rganuvchi kompaniya 3 mingga yaqin mutaxassislar orasida so‘rov o‘tkazdi. Bu orqali olimlar neyron tarmoqlarning joriy etilishi odamlar hayotini qanchalik o‘zgartirishini tahlillashgan.

Respondentlarning ko‘pchiligi sun’iy intellekt insoniyatga zarar keltirmasligini, aksincha, odamlarni matematika, musiqa, adabiyot, arxitektura va turli fanlar bo‘yicha ajoyib yutuqlarga yetaklashini ta’kidlagan. Ayrim olimlarning fikricha ijobiy yutuqlar uchun robotlar 30 foiz tayyor. Ammo 70 foiz to‘g‘ri va aniq funksiya hamda missiyalar zarur.

Shu bilan birga, ishtirokchilarning 38 dan 51 foizigacha bo‘lganlari neyron tarmoqlar odamlarning yo‘q bo‘lib ketishiga sabab bo‘lishi mumkinligini istisno qilmadi. Ularning ta’kidlashicha, bunday natija ehtimoli taxminan 10% ni tashkil qiladi. Yana 60% mutaxassislar ushbu xavfni kamida 5% deb baholadilar.

Neyron tarmoqlari avvalo noto‘g‘ri ma’lumot yaratish va jamoatchilik fikriga ta’sir qilish imkoniyayi bilan insoniyatga tahdidlar tug‘dirishi mumkin.

Bundan tashqari, olimlar 2047-yilga borib, mashinalar o‘zlariga yuklangan vazifalarni inson aralashuvisiz bajarishni o‘rganish imkoniyati 50% bo‘lishini taxmin qilmoqdalar. Shu bilan birga, ular odamga qaraganda tezroq va kamroq energiya sarflaydi.

“ArXive” ilmiy nashrlari portaliga ko‘ra, ikki yil avval tadqiqotchilar bu yangilik 2060-yilda bo‘lishini bashorat qilishgan edi.

• ilm-fan
• texnologiya