Rossiya Mudofaa vazirligi maxsus harbiy operatsiya zonasida so‘nggi 24 soat ichida sodir bo‘lgan voqealar haqida ma’lumot berdi.

Vazirlik bayonotiga ko‘ra, Rossiya Qurolli kuchlari Donesk Xalq Respublikasining Leninskoye va Makarovka qishloqlarini o‘z nazoratiga olgan. So‘nggi kundagi to‘qnashuvlar natijasida 755 ukrainalik askar zararsizlantirilgan. Bundan tashqari, 2 ta tank va 10 ta zirhli jangovar mashinalar yo‘q qilingani aytilmoqda.

Vazirlikning ta’kidlashiga ko‘ra, Ukrainaning 165 ta punktiga harbiy samolyotlar, dron va raketalar hujumi natijasida mamlakat aviabazalar infratuzilmasi, armiyasini oziq-ovqat bilan ta’minlovchi energiya infratuzilmasi va harbiy texnikalari to‘plangan joy yo‘q qilingan.

• Rossiya
• Ukraina