Rossiyaning uchuvchisiz dronlari Kiyev markazidagi Ukraina Oliy Radasining ma’muriy binosiga zarar yetkazdi. Bu haqda parlament raisi Ruslan Stefanchuk 2-yanvar kuni Facebook sahifasida ma’lum qildi.

 Siyosatchining so‘zlariga ko‘ra, 1-yanvar kuni ertalab Kiyevda Rossiya uchuvchisiz dronlarining hujumi ro‘y bergan. Avvalroq, dron qoldiqlari Bankovayadagi hukumat kvartaliga, Ukraina prezidenti devoniga va Milliy bank yaqinidagi turar-joy binolariga qulagani haqida ma’lumotlar tarqalgan edi. 

“Portlash to‘lqini atrofdagi binolarga, jumladan, Ukraina Oliy Radasi apparati qo‘mitalari va bo‘linmalari joylashgan Ukraina parlamentining ma’muriy binolariga zarar yetkazdi”, — deb yozadi siyosatchi.

• Rossiya
• Ukraina
• dron
• hujum