“2022-yil fevral oyida Rossiyaning Ukrainaga keng ko‘lamli bosqini boshlanganidan beri kamida 19 nafar rossiyalik general halok bo‘lgan. Oliy qo‘mondonlik tarkibidagi yo‘qotishlar faqat frontda sodir bo‘lmagan. Front ortida, jumladan, shtab-kvartiraga qilingan hujumlar, havo hujumlari va Rossiya hududidagi sabotajlar oqibatida ham generallarning o‘limi qayd etilgan. Biroq barcha o‘limlar Moskva tomonidan rasman tasdiqlanmagan”, – deya qayd etmoqda The Insider nashri.

Rossiya 2022-yilda generallar Andrey Suxovetskiy, Oleg Mityaayev, Vladimir Frolov, Andrey Simonov, Kanamat Botashev va Roman Kutuzovning o‘limi haqida e’lon qilgan. Keyingi yillarda ro‘yxatga Sergey Goryachev, Oleg Sokov, Vladimir Zavodskiy va boshqalarning ismlari kiritilgan.

Shuningdek, 2024 va 2025-yillarda Radiatsiya, kimyoviy va biologik mudofaa qo‘shinlari boshlig‘i Igor Kirillov, Bosh shtab Bosh operatsiyalar boshqarmasi boshlig‘ining o‘rinbosari Yaroslav Moskalik, Harbiy-dengiz kuchlari bosh qo‘mondoni o‘rinbosari Mixail Gudkov va Bosh shtabning operatsion tayyorgarlik bo‘limi boshlig‘i Fanil Sarvarov halok bo‘lgan.

• Rossiya
• Ukraina
• Urush