Rossiya Qurolli kuchlari Ukraina harbiy infratuzilmasining 975 ta obyektiga zarba bergan. Bu haqda Rossiya Mudofaa vazirligi ma’lum qildi.

Qayd etilishicha, ular orasida: Ukraina Qurolli Kuchlarining 23 ta boshqaruv punkti va aloqa markazlari, 3 ta radar postlari, 31 ta S-300, Buk M-1 va Osa zenit-raketa komplekslari va 48 ta radar stansiyalari mavjud.

Shuningdek, 8 ta jangovar samolyot va 7 ta vertolyot, 11 ta uchuvchisiz uchish apparati, ikkita “Tochka-U” taktik raketalari urib tushirilgan.

Bundan tashqari, 223 ta tank va boshqa zirhli jangovar mashinalar, 28 ta samolyot (yerda), 39 ta reaktiv raketalar, 86 ta dala artilleriya va minomyotlari, 143 ta maxsus harbiy texnika yoʻq qilingani aytilmoqda.

Qayd etish mumkin, kecha, 26-fevral kuni Rossiya qurolli kuchlari Xerson, Berdyansk, Genichevsk va Chernobaevka aerodromini to‘sib qo‘ygan.
 

• Davaktiv
• Rossiya
• Talafot
• Ukraina