Ukraina Bosh vazir o‘rinbosari Irina Vereshchuk Rossiya bosib olgan hududlarda Rossiya fuqaroligini qabul qilgan ukrainlar uchun jinoiy javobgarlikni joriy qilishni rejalashtirayotganini aytdi. Tegishli qonun loyihasi allaqachon ishlab chiqilmoqda, deb yozdi u Telegram kanalida.

“Rossiya pasportini olish uchun jinoiy javobgarlikni joriy etish: bu haqda bugun yopiq idoralararo yig‘ilishda muhokama qilindi. Qonun loyihasi ustida ish davom etmoqda, muhokamalar davom etadi, ammo yo‘nalish aniq”, — deydi Irina Vereshchuk.

Vereshchukning qo‘shimcha qilishicha, bu masala “siyosiy emas, balki qonuniy”. Uning fikricha, Rossiya pasporti “oddiy odamga vaqtinchalik ishg‘olda omon qolishga yordam beradi”, ammo buni “oldingi safda turgan odamlarga” tushuntirish qiyin.

• Rossiya
• Ukraina
• Urush