Bugun. Rossiya harbiylari Ukrainaning Vinnitsa shahriga raketa hujumi uyushtirdi. Raketalarning bir nechtasi fuqarolar istiqomat qiladigan obʼektlarga kelib tushgan.

Bugun, soat 10:13 da Vinnitsa viloyatida havo hujumi haqida signal eshitildi. Oradan yarim soat oʻtib, soat 10:46 da viloyat markazida momaqaldiroq gumburlagan portlash tovushi eshitilgan. Bir necha daqiqa ichida buni shahar kengashi tasdiqladi. Shaharda bir nechta portlashlar qayd etilgan.

Soat 11:02 da Vinnitsa meri Sergey Morgunov shaharga raketa hujumi uyushtirilganligini tasdiqladi. Rossiya harbiylari tomonidan otilgan raketalarda toʻrttasi havo hujumidan mudofaa kuchlari tomonidan urib tushirilgan. Hujum sodir boʻlgan joyga zudlik bilan favqulodda xizmatlar joʻnatilgan.

Maʼlumotlarga koʻra, hujum oqibatida 12 kishi halok boʻlgan. 90 ga yaqin jabrlanuvchi tibbiy muassasalarga yordam soʻrab murojaat qilgan, ulardan 50 nafarining ahvoli ogʻir.

• Rossiya
• Ukraina
• Urush