Ukrainadagi urushning sakson beshinchi kuni yakunlandi. Rossiya Federatsiyasi Mudofaa vazirligi “Azovstal” zavodi hududini o‘z nazoratiga olganini ma’lum qildi.

Ushbu maqolada Rossiya Ukraina oʻrtasida kechayotgan urushning sakson beshinchi kuni asosiy voqealari va fotosuratlarini toʻpladik.

Rossiya Mudofaa vazirligining maxsus vakili Igor Konashenkovning soʻzlariga koʻra, 20-may kuni 531 kishidan iborat boʻlgan Ukraina harbiylarning soʻnggi guruhi taslim boʻlgan. Taslim bo'lgan askarlar orasida Azov polkining qo'mondoni ham bor, Ma’lumotlarga ko‘ra, bir necha kun ichida 2439 ta ukrainalik askar zavod hududini tark etgan.

Ukraina rasmiylari Rossiya Federatsiyasi Mudofaa vazirligining bayonotlariga hozircha izoh bermadi. Azovstal bir yarim oy davomida Mariupoldagi Ukraina bo'linmalarining yagona qarshilik nuqtasi edi. Shaharning katta qismi aprel oyi boshida rus harbiylari nazoratiga o‘tgan va zavod o‘rab olingan edi.

Lugansk viloyati rahbari Sergey Gaydayning ta’kidlashicha, Severodonetskning kechagi o‘qqa tutilishidan keyin to‘rt kishi halok bo‘ldi, yana uch kishi yaralangan.

Rossiya Severodonetskni egallashga hozirlik ko'rmoqda va Liman hududida yanada qizg'in jangovar harakatlar olib bora boshladi.

Xarkov shimolida rus harbiylari ukrainalik harbiylarning oldinga siljishiga yo‘l qo‘ymaslik uchun Ukraina bilan chegara yaqinida o‘z kuchlarini to‘plamoqda.

• Rossiya
• Ukraina
• Urush