Ma’lumotlarga ko‘ra, Rossiya davlat dumasi deputati Yana Lantratova maktablarda 24-fevral kunini “maxsus harbiy operatsiya” (Ukrainadagi urushning boshlanishi) boshlangan kun sifatida nishonlashni taklif qildi. Bu haqda “TACC” xabar berdi.

Lantratovaga ko‘ra, shu kuni o‘quvchilarga urushning “sabablari” va “asosiy voqealar rivoji” bo‘yicha ma’lumot beriladi. Rus deputati ta’lim vaziri Sergey Kravtsovga tegishli sana bo‘yicha “maktab miqyosida tadbirlar” dasturini tayyorlashni taklif qildi. Deputatning rejasiga ko‘ra, 24-fevral kuni harbiy xizmatchilar maktablarga taklif qilinishi yoki bolalarga urush haqidagi videoroliklar namoyish etilishi kerak. “Kollektiv G‘arb” mamlakatlari esa urush voqealari yuzasidan “dezinformatsiya va qalbakilashtirish” tarqalishini kuchaytirmoqda.

Lantratovaning so‘zlariga ko‘ra, “Ommaviy axborot vositalarida “maxsus harbiy operatsiya”ni vatanparvarlik pozitsiyasidan yorituvchi materiallar tanqisligi” kuzatilmoqda, “kollektiv G‘arb” mamlakatlari esa urushga oid xabarlarda “dezinformatsiya va qalbakilashtirish”ga yo‘l qo‘ymoqda.

• Rossiya
• Ukraina