15°
Kechasi 2°
Rossiya federatsiyasi ichki ishlar vazirining birinchi o‘rinbosari Aleksandr Gorovoyning ma’lum qilishicha, Rossiyadagi eng ko‘p mehnat migrantlari o‘zbekistonliklar bo‘lib, 8 oyda Rossiyaga 1 million 880 mingdan ortiq O‘zbekiston fuqarosi borgan.
Ta’kidlanishicha, Rossiyada 6,1 milliondan ortiq chet elliklar bo‘lib, ularning asosiy qismi Markaziy Osiyo va MDH mamlakatlaridan kelgan.
2024-yilning yanvar-avgust oylarida Rossiyaga 1 million 880 mingdan ortiq O‘zbekiston fuqarosi borgan.
Mamlakatdan chiqib ketganlar soni esa 1,5 million kishidan oshadi. Shu bilan birga 1 million 792 ming nafardan ortiq o‘zbekistonlik mehnat muhojirlari ayni vaqtda Rossiyada ishlamoqda.
Keyingi o‘rinda 1,2 milliondan ortiq tojikistonlik mehnat muhojirlari Rossiyada bo‘lib turibdi.
Qozog‘iston va Rossiya o‘rtasidagi bordi-keldi munosabatlari milliondan oshgan bo‘lsa-da, ayni vaqtda Rossiya bo‘lib turgan qozog‘istonliklar soni nisbatan kamroq – 609 ming kishi. Markaziy Osiyoning yana bir davlati Qirg‘izistonning esa 262 mingdan ortiq fuqarosi Rossiyada ishlamoqda.
Shuningdek, mamlakatda 739 mingga yaqin noqonuniy migrantlar ham borligi aniqlangan. Ularning asosiy qismi ham O‘zbekiston, Tojikiston, Qirg‘iziston, Armaniston va Ozarbayjon fuqarolari.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
