Ma’lumotlarga ko‘ra, Qozog‘istonda ro‘yxatdan o‘tgan avtobus Samara viloyatining Kinel tumanida ag‘darilib ketgan. Ikki yo‘lovchi halok bo‘ldi, yana 10 nafari kasalxonaga yotqizildi, deb xabar berdi viloyat YHXB matbuot xizmati.
Halok bo‘lgan va yaralanganlarning fuqaroligi aniqlashtirilmagan, biroq avtobus O‘zbekiston fuqarolarini Nijniy Novgorodga olib ketayotgani ma’lum bo‘lgan.
Taxminan soat 1:00 (Toshkent vaqti bilan 02:00) da Ural-Muxanovo yo‘lining 26-kilometrida Scania avtobusi bilan YTH sodir bo‘ldi.
Yo‘l harakati xizmati ma’lumotlariga ko‘ra, haydovchi “yo‘l harakati xavfsizligini ta’minlamaydigan tezlikni tanlagan va transport vositasining yo‘lni tark etishiga, keyin esa ag‘darilib ketishiga imkon bergan”.
Ma’lum qilinishicha, hodisa joyida tergov-tezkor guruhi, viloyat Davlat yo‘l inspeksiyasi rahbariyati va Rossiya Federatsiyasi IIV hududiy boshqarmasi ishlamoqda. Politsiya voqea sabablarini aniqlashda davom etmoqda.
Shuningdek, mahalliy rasmiylar Samara oblastida avtobus ishtirokida ro‘y bergan YTHda jabrlanganlar soni hozirda 26 kishiga yetganini xabar bermoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!