Rossiyada giyohvand moddalar kontrabandasida ayblanayotgan amerikalik basketbolchi Brittni Griner AQSh prezidenti Jo Baydenga xat yozdi.

Qayd etilishicha, Grinerning maktubi Amerika Qoʻshma Shtatlari Mustaqillik kuniga toʻgʻri kelgan. Xatda aytilishicha, basketbolchi “Rossiya qamoqxonasida yolgʻiz oʻzi fikrlari bilan turmush o'rtog'i, oilasi, doʻstlari, olimpiada libosi va barcha yutuqlari himoyasisiz oʻtiribdi”. U qamoqda abadiy qolish ehtimolidan dahshatga tushganini yozgan.

“Men sizning qiladigan juda koʻp ishlaringiz borligini tushunaman. Lekin iltimos, men va boshqa amerikalik mahbuslar (chet eldagi) haqida unutmang”, – deydi u.

Shuningdek, Griner Baydendan amerikaliklarni “uyga qaytarish” uchun barcha choralarni koʻrishini soʻragan. Sportchining taʼkidlashicha, u 2020-yilda oʻz hayotida birinchi marta AQSh prezidenti saylovlarida qatnashgan Jo Bayden nomzodiga ovoz bergan. Endi esa basketbolchi unga “ishonadi”.

Maʼlumot uchun, Moskva viloyatining Ximki shahar sudi 17-fevral kuni Nyu-York-Sheremetyevo reysi bilan kelgan amerikalik basketbolchi Brittni Grinerning qoʻl yukini tekshirish chogʻida unda 0,702 gramm giyohvand modda borligini aniqlagan. Sportchi hozirda qamoqda saqlanyapti.

• AQSh
• Basketbol
• Rossiya
• Sport