Yaponiyaning Nagoya shahrida joylashgan “IG Arena” majmuasida yilning uzoq kutilgan professional boks oqshomi nihoyasiga yetdi.

Musobaqaning asosiy bahsida ikkinchi eng yengil vazn toifasida yaponiyalik mutlaq jahon chempioni Naoya Inoue ushbu vazn toifasida WBA yo‘nalishi bo‘yicha vaqtinchalik chempionlik kamari sohibi, hamyurtimiz Murodjon Ahmadaliyev bilan to‘qnash keldi.

12 raundlik chempionlik jangi to‘liq davom etdi. Yakunda hakamlar bir ovozdan 118:112, 118:112 va 117:111 hisobida yapon bokschisining g‘alabasini qayd etishdi. Inoue chempionlik kamarlarini o‘zida saqlab qoldi.

Shunday qilib, 30 yoshli o‘zbekistonlik bokschi faoliyatidagi 16-jangida 2-mag‘lubiyatini qabul qilib oldi. 32 yoshli Naoya esa 31-jangida o‘zining 31-g‘alabasini nishonladi.

• Boks
• Murodjon Ahmadaliyev
• Yaponiya