Bir necha kun avval Rossiya Kommunistik partiyasining Samara provinsiyasi dumasi deputati Mixail Abdalkin (34 yosh) prezidentning Federal majlisga murojaatini qulog‘iga lag‘mon osilgan holda tomosha qilayotgani aks etgan videoni o‘z Telegram kanaliga joylashtirdi.

Xabarlarga ko‘ra Markaziy taftish komissiyasi bu holatni e’tibordan chetda qoldirmaydi. Rossiya Davlat Dumasi deputati Aleksandr Yushchenko esa ushbu vaziyat Kommunistik partiya bo‘limida baholanishi kerakligini qayd etgan.

“Bu Samara viloyati Dumasining deputati, unda birinchi kotib, mintaqaviy bo‘lim boshlig‘i bo‘lib, tashkilot birinchi navbatda o‘z vakili bo‘lgan shaxs qilmishiga nisbatan huquqiy, ma’naviy va axloqiy baho berishi kerak”, – dedi u.

Yushchenko Abdalkinning qilmishi haqida ham shaxsiy fikrini bildirdi. Uning so‘zlariga ko‘ra, yoshlar ko‘pincha “internetdagi xayoliy mashhurlikka mahliyo bo‘ladi va o‘nlab yoki yuzlab “layk” olish istagi ko‘pincha axloqiy me’yorlar buzilishiga sabab bo‘ladi”.

Yushchenko Abdalkinga “haqiqiy hayotga qaytishni” maslahat bergan.

Eslatib o‘tish mumkin, joriy yil 21-fevral kuni Rossiya prezidenti Vladimir Putin Federal majlisga an’anaviy murojaat bilan chiqdi. Murojaat chog‘ida Rossiya rahbari bir qator ijtimoiy xarakterdagi tashabbuslarini e’lon qilgan.

• Deputat
• Murojaat
• Putin
• Rossiya