Rossiyaning S7 aviakompaniyasi O‘zbekistonga amalga oshiradigan qator reyslarini bekor qildi. Bu haqida kompaniya saytida ma’lum qilingan.

Qayd etilishicha, bekor qilingan reyslar yo‘lovchilari aviakompaniyadan bildirishnoma oladilar, shuningdek,  ular hamkor aviakompaniyalarning reyslarida uylariga qaytishlari mumkin bo‘ladi.

Reyslar hozircha 2022-yilning 30-apreliga qadar bekor qilingan.

Quyida bekor qilingan reyslar ro‘yxati keltirilgan:

Volgograd–Farg‘ona–Volgograd, S7 6429/ S7 6430;

Irkutsk–Namangan–Irkutsk, S7 6351 / S7 6352;

Irkutsk–Samarqand–Irkutsk, S7 6353 / S7 6354;

Irkutsk–Farg‘ona–Irkutsk, S7 6349/ S7 6350;

Yekaterinburg–Farg‘ona–Yekaterinburg, S7 6423/ S7 6424;

Qozon–Farg‘ona–Qozon, S7 6453 / S7 6454;

Kemerovo–Farg‘ona–Kemerovo, S7 6487/ S7 6488;

Krasnodar–Urganch–Krasnodar, S7 6427 / S7 6428;

Krasnodar–Farg‘ona–Krasnodar, S7 6521/ S7 6522;

Krasnoyarsk–Farg‘ona–Krasnoyarsk, S7 6489/ S7 6490;

Moskva–Buxoro–Moskva, S7 3311 / S7 3312;

Moskva–Qarshi–Moskva, S7 3313 / S7 3314;

Moskva–Navoiy–Moskva, S7 3315 / S7 3316;

Moskva–Samarqand–Moskva, S7 3253/ S7 3254;

Moskva–Toshkent–Moskva, S7 3249 / S7 3250;

Moskva–Urganch– Moskva, S7 3245 / S7 3246;

Nijniy Novgorod–Urganch–Nijniy Novgorod, S7 6425 / S7 6426;

Nijniy Novgorod–Farg‘ona–Nijniy Novgorod, S7 6493 / S7 6494;

Novosibirsk–Buxoro–Novosibirsk, S7 5563 / S7 5564;

Novosibirsk–Qarshi–Novosibirsk, S7 5615 / S7 5616;

Novosibirsk–Navoiy–Novosibirsk, S7 5613 / S7 5614;

Novosibirsk–Namangan–Novosibirsk, S7 5567 / S7 5568;

Novosibirsk–Samarqand–Novosibirsk, S7 5617 / S7 5618;

Novosibirsk–Toshkent–Novosibirsk, S7 5565 / S7 5566;

Novosibirsk–Farg‘ona–Novosibirsk, S7 5561 / S7 5562;

Samara–Urganch–Samara, S7 6481 / S7 6482;

Samara–Farg‘ona–Samara, S7 6495 / S7 6496;

Sankt-Peterburg–Urganch–Sankt-Peterburg, S7 6415 / S7 6416;

Ufa–Urganch–Ufa, S7 6411 / S7 6412.

“Bekor qilingan xalqaro reyslar yo‘lovchilari chipta narxini to‘liq qaytarib olishlari yoki chiptalarni boshqa sanalarda mavjud reyslarga almashtirishlari mumkin”, – deyiladi xabarda.

Avvalroq Yaponiyaning Japan Airlines aviakompaniyasi Rossiya Federatsiyasi hududida parvozlarni to‘xtatishi mumkinligi xabar qilingandi.

Eslatib o‘tamiz, joriy yilning 24-fevral kuni Rossiya prezidenti Vladimir Putin LXR va DXR rahbarlarining yordam so‘roviga javoban Donbassni himoya qilish bo‘yicha harbiy maxsus operatsiya o‘tkazishini ma’lum qilgandi.

Shundan so‘ng Yevropaning ko‘plab davlatlari va boshqa bir qator davlatlar havo hududini Rossiya samolyotlari uchun yopgan.

• Aviaqatnov
• Rossiya