Germaniya kansleri vazifasini bajaruvchi Olaf Shols ushbu lavozimda jamoatchilik oldida so‘nggi nutqini so‘zladi. Siyosatchi Gamburgdagi Noyengamme konslageri ozod etilganining 80-yilligi munosabati bilan o‘tkazilgan marosim mehmonlariga murojaat qildi.

“Nemislar boshlagan urushdan, natsistlarning terror rejimidan, millionlab begunoh ayollar, bolalar va erkaklarning o‘ldirilishidan olingan eng muhim saboqlardan biri shundaki, bizning qit’amiz, xalqlarimiz o‘rtasidagi urushlarni o‘tmishda qoldirishimiz kerakligiga bo‘lgan chuqur ishonchimizdir”, – deya fikr bildirdi Shols.

Uning so‘zlariga ko‘ra, Vladimir Putin “yana Yevropaga urush olib kelgani” yanada achinarli. “Biz bunday holatni qabul qilmasligimiz kerak”, — deya ta’kidlagan siyosatchi.

Shols Yevropani “erkinlik, demokratiya va huquqiy jamiyatning jonli va nafas olayotgan timsoli” deb atab, bu tamoyillar “harbiy imperializm hamda xalqaro huquqni mensimaslik bilan mos kelmasligiga” urg‘u bergan.

• Germaniya
• Olaf Shols