Moskvada tojikistonlik bloger S.J. ustidan jinoyat ishi ochildi. Muhojir bloger rus qizlari haqidagi “tahqirlovchi videolar” uchun hibsga olingan, deb xabar berdi Rossiya mahalliy nashrlari. Hozirda Rossiya Federatsiyasi Jinoyat kodeksining 282-moddasi (nafrat yoki adovatni qo‘zg‘atish, shuningdek inson qadr-qimmatini kamsitish) bo‘yicha jinoyat ishi ochilib, tergov harakatlari boshlangan.

Tergov maʼlumotlariga koʻra, 2023-yilning 9-dekabrida Tojikiston Respublikasida tugʻilgan shaxs rus millatiga mansub bir guruh shaxslarga nisbatan dushmanlik munosabatini aks ettiruvchi videoni o‘z sahifasiga joylagan.

Shuningdek, tergov qo‘mitasi blogerning boshqa videolarini ham nazoratdan o‘tkazmoqda. Ushbu videoni suratga olishda ishtirok etgan boshqa shaxslar harakatiga ham huquqiy baho berilishi ma’lum qilingan.

• Bloger
• Qamoqxona
• Rossiya