Rossiya Mudofaa vazirligi vakili 21-iyul, yakshanba kuni bo‘lib o‘tgan brifing chog‘ida Ukrainaning ikkita qishlog‘i nazorat ostiga olinganini ma’lum qildi.

Vazirlik maʼlumotlariga koʻra, Rossiya harbiylari Lugansk viloyatidagi Rozovkani hamda Xarkov viloyatidagi Peschanoye Nijne qishlog‘ini egallab olganini ma’lum qildi.

Gap 2016-yilgacha Rozovka deb nomlangan Svatovskiy tumanidagi Andreyevka haqida ketmoqda. 2001-yilgi aholini ro‘yxatga olish ma’lumotlariga ko‘ra, u yerda 17 kishi yashagan. Peschanoye qishlog‘i esa Chuguyevskiy tumanida joylashgan. 2001-yilgi aholini ro‘yxatga olish ma’lumotlarida qishloqda 79 kishi yashagani qayd etilgan, deyiladi xabarda.

Shuningdek, ukrainalik muxbir Bogdan Miroshnikov ham Rossiya Qurolli kuchlari Peschanoyeni bosib olganini ta’kidlagan.

Biroq Ukraina Qurolli kuchlari Bosh shtabi ikki aholi punkti Rossiya qo‘liga o‘tgani haqida ma’lumot bermadi.

• Rossiya
• Ukraina
• Urush