Bugun, 20-aprel kuni AQShning Kaliforniya shtati Oushensayd shahrida o‘tkazilgan professional boks oqshomida o‘zbekistonlik charm qo‘lqop ustasi Ruslan Abdullayev filippinlik Jino Rodrigo bilan 8 raundlik jang o‘tkazdi.

Havaskor boks bo‘yicha qit’a va jahon chempionligiga erishgan, 2021-yili O‘zbekistonning eng yaxshi bokschisi sifatida “Rufat Risqiyev kubogi” sohibi bo‘lgan Ruslan Abdullayev jangni to‘liq o‘z nazoratida o‘tkazdi. Bahsning 5-raundida Abdullayev raqibini nokdaun holatiga tushira oldi.

To‘liq davom etgan jangda Ruslan hakamlarning qaroriga ko‘ra, 80-71, 80-71, 80-71 hisoblarida g‘alaba qozondi va professional boksdagi ikkinchi jangidayoq “WBA Continental” kamari sohibi bo‘ldi.

• Boks