Rossiyaliklarning deyarli yarmi, ya’ni 44 foizi Vengriya bosh vaziri Viktor Orbanning Ukrainadagi vaziyatni tartibga solish bo‘yicha yaqinda olib borgan “tinchlik missiyasi”ni xalqaro munosabatlardagi keskinlikni kamaytirishi mumkin, deb hisoblaydi. Bu haqda Gazeta.ru saytida e’lon qilingan “News Mail” loyihasi o‘quvchilari o‘rtasida o‘tkazilgan so‘rovnomada o‘z tasdig‘ini topgan.

So‘rovnomada qatnashganlarning deyarli yarmi Orbanning “tinchlik missiyasi” xalqaro munosabatlardagi keskinlikni oshirishdan ko‘ra, kamaytirish ehtimoli ko‘proq, degan fikrda.

Qayd etilishicha, Rossiya Federatsiyasining har to‘rtinchi rezidenti Orbanning Ukrainadagi vaziyatni hal qilishda vositachilik qobiliyatiga ishonadi.

Bundan tashqari, rossiyaliklarning aksariyati Orbanning sa’y-harakatlari evaziga Vengriyani Rossiya Federatsiyasi hamda Ukraina bilan birdek muloqotni davom ettira oladigan davlat sifatida ko‘rishmoqda.

Eslatib o‘tamiz, Vengriya bosh vaziri Rossiya hamda Ukraina o‘rtasidagi aloqalarini yaxshilash maqsadida 2-iyul kuni Kiyevda Ukraina prezidenti Vladimir Zelenskiy bilan gaplashdi. Bir necha kundan keyin esa Moskvaga uchib, Rossiya prezidenti Vladimir Putin bilan uchrashib, Ukrainadagi mojaroni hal qilish yo‘llarini muhokama qilishdi.

Avvalroq, AQSh prezidentining milliy xavfsizlik bo‘yicha yordamchisi Jeyk Sallivan Orbanning Ukrainadagi tinchlikparvarlik harakatlari avanturizm ekanligini aytgan edi.

• AQSh
• Rossiya
• Ukraina
• Vengriya