Saida Mirziyoyeva Vena shahrida bo‘lib o‘tgan BMT Jinoyatchilikning oldini olish va jinoiy odil sudlov komissiyasining 35-sessiyasida milliy ma’ruza bilan qatnashdi. O‘zbekiston joriy yilda ilk bor ushbu nufuzli tuzilma a’zosi bo‘ldi.

Ma’ruzada mamlakatimizda odil sudlovni ta’minlash, ayollar, bolalar va yoshlar huquqlarini himoya qilish borasida amalga oshirilayotgan islohotlar haqida so‘z yuritildi. Shuningdek, kiberjinoyatchilik, korrupsiya va oilaviy zo‘ravonlikka qarshi xalqaro hamkorlikni kuchaytirish zarurligi ta’kidlandi.

Tashrif doirasida Saida Mirziyoyeva Avstriya Federal kansleri Kristian Shtoker, YXHT bosh kotibi Feridun Sinirlio‘g‘lu, BMTning Giyohvand moddalar va jinoyatchilik bo‘yicha boshqarmasi ijrochi direktori Monika Juma hamda boshqa rasmiylar bilan uchrashuvlar o‘tkazdi.

Shuningdek, u Venada xalqaro tashkilotlarda faoliyat yuritayotgan vatandoshlar bilan ham muloqot qildi.