Qirg‘izistonda 2023-yil xalqaro jinoiy doiralarda “Kolya-qirg‘iz” nomi bilan tanilgan mahalliy kriminal avtoritet Qamchi Ko‘lboyev hibsga olinishi chog‘ida o‘ldirilgandi. Qirg‘izistonda Milliy xavfsizlik qo‘mitasi raisi Qamchibek Tashiyev u “davlat manfaati uchun” yo‘q qilinganini aytgandan so‘ng, Salimboyvachcha borasida ham to‘xtalib o‘tgan.

MXQ raisining so‘zlariga ko‘ra, Qirg‘izistonda uyushgan jinoyatchilik darajasi shunchalik yuqori bo‘lganki, jinoyat olami vakillari “butun mamlakat bo‘ylab hokimiyatni egallab, davlatnikiga o‘xshash boshqaruv tizimini yaratgan”.

Bundan tashqari, “Viloyat, tuman va shaharlarda ular tadbirkorlardan pul undirardi. Bu kuchli tuzilma edi. Men qonundagi o‘g‘rini yo‘q qilish to‘g‘risida qaror qabul qilishga majbur bo‘ldim. Tushunasizmi, davlat manfaati uchun. Biz uni, keyinchalik esa uning sheriklari hamda uyushgan jinoiy guruhning (UJG) boshqa a’zolarini yo‘q qildik”, – deydi Tashiyev.

Tashiyevning ta’kidlashicha, bugungi kunda mamlakat UJGlardan xoli, jinoyat olamida esa “hech narsa qolmagan”. U maxsus xizmat ulardan milliardlab dollarni “tortib olganini” qayd etgan.

Qayd etilishicha, hozir tadbirkorlar ilgarigidek hech kimga to‘lov qilmaydi UJGlar yo‘qotilganidan keyin dastlabki paytlarda tadbirkorlar hatto kimga to‘lash kerakligini qidirib yurgan.

• Qirg‘iziston