Ijtimoiy tarmoqlarda Samarqand viloyatida nogironligi bo‘lgan fuqaro bo‘ynida zanjir bilan bog‘langani aks etgan lavha tarqaldi. Holat yuzasidan tuman IIB tomonidan tergovga qadar tekshiruv harakatlari olib borilgan.
Qayd ettilishicha, ushbu voqea 2022-yil 15-noyabr kuni sodir bo‘lgan. Ishtixon tumani Ravot MFY Ravot qishlog‘ida yashovchi 2001-yilda tug‘ilgan fuqaro A.Gʻ. (tug‘ma nogiron (kar-soqov)) 61-sonli “Samarqand eshitishida nuqsoni bo‘lgan bolalar uchun” maxsus maktab-internatida o‘qib, 12-sinfni tugatgan, 2003-yildan buyon Ishtixon tumani Ravot MFY Ravot qishlog‘ida yashovchi tog‘asi J.A.ning qo‘lida tarbiyalagani, ushbu maxsus maktabda u tomonidan o‘qitilgani aniqlangan.
Ushbu fuqarodan mutaxassis (surdopedagog) ishtirokida tushuntirish olinganda, u uyidagi ro‘zg‘or yumushlarini bajarmaslik uchun o‘zini-o‘zi metal zanjir bilan bog‘lab, qulf osib, u bilan birga turuvchi akasi (tug‘ma nogiron (kar-soqov)) A.M.dan ushbu holatni ijtimoiy tarmoqlarga tarqatishini so‘ragan. A.Gʻ. shu yo‘l bilan uy ishlaridan qutilishni maqsad qilgani, ishidan pushaymonligi va hech kimga da’vosi yo‘qligini bayon qilgan.
Fuqaroning tog‘asi J.A.dan tushuntirish olinganda, u jiyaniga nisbatan bu kabi harakatlarni sodir etmagani, holatni ijtimoiy tarmoqqa chiqqanidan so‘ng bilganini bayon qilgan.
Fuqaro Ishtixon tumani Tibbiyot birlashmasida tibbiy ko‘rikdan o‘tkazilganda, uning tanasida hech qanday tan jarohatlar aniqlanmagan.
Taraflardan tushuntirishlar olinib, holat o‘rganilgan hamda voqelik yuzasidan jinoyat ishini qo‘zg‘atishdan rad qilish haqida qaror qabul qilingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!