Saudiya Arabistoni valiahd shahzodasi Muhammad bin Salmon Arab Ligasi sammiti yig‘ilishi rejalashtirilishidan sal oldin Jiddada Arab rahbarlari va rasmiylarini kutib oldi.

Arab rahbarlari va rasmiylari, shu jumladan Suriya Prezidenti Bashar Al-Assad va Iordaniya qiroli Abdulla II, juma kuni Saudiya Arabistonining Jidda shahriga 32-Arab Ligasi sammitida qatnashish uchun kelishdi.

BAA vitse-Prezidenti Shayx Mansur bin Zoid ol Nahayon, Qatar amiri Shayx Tamim bin Hamad Al tani, Quvayt valiahd shahzodasi Mishal Al-Ahmad Al-Jobir Al-Sabah, Jibuti Prezidenti Ismoil Omar Guelleh, Marokash shahzodasi Rachid, Iroq Bosh vaziri Muhammad Shiaa al-Sudani va Jazoir Bosh vaziri Vazir Ayman Benabderrahmane ham kunning boshida qirollikka kelgan.

Misr Prezidenti Abdel Fattoh al-Sisi va Ummon, Mavritaniya, Tunis, Bahrayn, Livan, Falastin va Yaman rahbarlari, shu jumladan, boshqa rasmiylar, Payshanba kuni Jidda shahriga tashrif buyurgan.

Shuningdek Ukraina Prezidenti Vladimir Zelenskiy ham Juma kuni Saudiya Arabistoniga kelgan.

"Men Saudiya Arabistoniga tashrifim davomida Arab Ligasi sammitida nutq sozlayman. Shuningdek valiahd Shahzoda Muhammad bin Salmon bilan uchrashaman va boshqa ikki tomonlama muzokaralar o‘tkazaman”– deya yozgan Zelenskiy ijtimoiy tarmoqlarda.

• Muhammad bin Salmon
• Saudiya Arabistoni
• Zelenskiy