Tailand poytaxti Bangkok shahrida boks bo‘yicha ikki yosh toifasidagi Osiyo chempionati davom etmoqda.

Bugun qit’a birinchiligining U-22 yosh toifasidagi bahslarida 1/2 final janglari o‘tkazildi. Quvonarlisi, ushbu bosqichga yetib kelgan 10 bokschimizdan 9 nafari raqiblarini ishonchli tarzda mag‘lub etishdi. Bu bilan o‘zbekistonlik bokschilar eng ko‘p ishtirokchi bilan finalga yo‘l olishdi.

-50 kg vaznda mezbonlar vakili Thitivat Phlongauraiga qarshi ringga ko‘tarilgan Behruz Xoldorov murosasiz bahsda 2:3 hisobida imkoniyatni boy berib, Osiyo chempionatining bronza medali bilan taqdirlanadigan bo‘ldi. To‘rtta jangda bokschilarimiz raqiblarini texnik nokautga uchratishdi. To‘qqiz nafar bokschimiz 11-avgust kuni Osiyo chempionligi uchun ringga ko‘tariladi.

Bokschilarimizning bugungi natijalari:

-50 kg: Behruz Xoldorov - Thitivat Phlongaurai (Tailand) 2:3;

-55 kg: Samandar Olimov - Jinseong Hong (Koreya Respublikasi) 1-raundda nokaut;

-60 kg: Shohrux Abdumalikov - Harsh (Hindiston) 5:0;

-65 kg: Sayat Ilyosov - Damdindorg Pusevdorj (Mo‘g‘uliston) 2-raundda texnik nokaut;

-70 kg: Muhammadazizbek Ismoilov - Moyeto Kavamura (Yaponiya) 5:0;

-75 kg: Shavkatjon Boltayev - Thananchai Phoyemsap (Tailand) 5:0;

-80 kg: Rahmatullo Boymatov - Haoran Du (Xitoy) 5:0;

-85 kg: Abdulaziz Abdurahmonov - Chaneong Nam (Koreya Respublikasi) 2-raundda texnik nokaut;

-90 kg: Shahzod Polvonov - Mayur (Hindiston) 4:1;

+90 kg: Halimjon Mamasoliyev - Yooseung Shin (Koreya Respublikasi) 2-raundda texnik nokaut.

• Bangkok
• Boks
• Osiyo Chempionati
• Tailand