Ukraina razvedkasidagi manbalarning xabar berishicha, Rossiya armiyasi safiga jalb qilingan 18 nafar Shimoliy Koreya harbiylari Ukrainaning Bryansk va Kursk viloyatlari bilan chegarasidagi pozitsiyalaridan qochib ketgan.

Ma’lum qilinishicha, bu Ukraina bilan davlat chegarasidan 7 kilometr uzoqlikda sodir bo‘lgan. KXDR harbiylarining qochish sabablari hozircha aniqlanmagan.

Shuningdek, Rossiya harbiylari ularni qidirishni boshlagan, biroq ular bu ma’lumotni oliy qo‘mondonligidan yashirishga harakat qilishayotgani ma’lum qilindi.

Qayd etilishicha, Rossiya armiyasining 11-alohida gvardiya desant-shturm brigadasi negizida KXDR fuqarolaridan iborat bo‘lgan, “maxsus buryat batalyoni” deb nomlangan harbiy bo‘linma tashkil etilgan.

Razvedka ma’lumotlariga ko‘ra, shaxsiy tarkibning taxminiy soni 3000 nafarni tashkil etadi.

• Rossiya
• Shimoliy Korea
• Ukraina