24-yanvar kuni Shimoliy Koreya ishlab chiqilayotgan yangi turdagi strategik qanotli raketa – "Pulxvasar-3-31"ning ilk sinovini amalga oshirdi. Bu haqda Koreya markaziy telegraf agentligi xabar berdi.
Qayd etilishicha, ushbu sinovlar KXDR Raketa qurilishi bosh boshqarmasi tomonidan amalga oshirilgan.
“Uchirish atrofdagi mamlakatlar xavfsizligiga hech qanday ta’sir ko‘rsatmagan va mintaqadagi vaziyatga hech qanday aloqasi yo‘q”, — deyiladi bayonotda. Uchirish haqida esa boshqa ma’lumot berilmagan.
Boshqarmaning ta’kidlashicha, joriy sinovlar KXDRning “qurol tizimlarini uzluksiz yangilash jarayoni” doirasida amalga oshirilgan.
Koreya Respublikasi Qurolli kuchlari shtab boshliqlari qo‘mitasi avvalroq KXDR 24-yanvar kuni Sariq dengiz tomon bir nechta qanotli raketalarni uchirgani haqida xabar bergan edi. Bu oxirgi marta 2023-yil sentyabr oyida qayd etilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!