Taniqli aktrisa Asal Shodiyeva va xonanda Shohruhxon bugun, 12 yanvar kuni ikkinchi bor ota-ona boʻlish baxtiga erishdilar. Bu haqida ijodkorlarning oʻzidan ham avvalroq “Bravo” jamoasi aʼzosi Shahlo Zoirova maʼlum qildi.

U Instagramdagi sahifasida ijodkorlarni oʻgʻil chaqaloq bilan tabriklagan. Maʼlum boʻlishicha, bolakay Turkiyada dunyoda kelgan.

Xonanda Shohruhxon ushbu yangilik munosabati bilan birinchi farzandi Muhammadyusufni tabrikladi.

“Aziz oʻgʻlim, bugun seni tabriklagim keldi. Men ikkinchi bor ota boʻldim. Onajoning ikkinchi farzandini dunyoga keltirdi. Sen esa birinchi bor aka boʻlding. Doimo ahillikda, doʻstlikda, mehr-muhabbat bilan hayot kechiringlar. Alloh sizlarni yaxshi ishlarga ilhomlantirsin. Umringiz xayrli va mazmunli boʻlsin”, deb yozdi Shohruhxon.

• Kino
• Shou-biznes
• mashhurlar