Shvetsiya parlamenti a’zosi Markus Vixel Ukrainani tiklash uchun xorijda muzlatilgan Rossiya aktivlaridan foydalanishga chaqirdi. U Shvetsiya tashqi ishlar vaziri Ann Lindega tegishli murojaat yuborgan. 

Parlament a’zosi o‘z maktubida Qo‘shma Shtatlar Rossiyaning oltin-valyuta zaxiralarini qariyb 300 milliard dollarga to‘sib qo‘yganini, AQSh Kongressi Vakillar palatasi esa Rossiyaga qarshi sanksiyalar tufayli hibsga olingan aktivlardan Ukrainani qo‘llab-quvvatlash uchun foydalanishga ruxsat beruvchi qonun qabul qilganini qayd etgan. 

Deputatning fikricha, Shvetsiya rasmiylari Ukrainadagi vaziyatga sekinlik bilan munosabat bildirgan. Faqatgina muxolifat tomonidan qo‘yilgan ma’lum qadamlardan so‘ng, Stokgolmda ular ukrainalik birodarlar va opa-singillarga harbiy yordam ko‘rsatilishini e’lon qilishgan. 

Ma’lumot uchun, avvalroq Ukraina bosh vaziri Denis Shmixal mamlakatni qayta tiklash jamg‘armasini Rossiya mulki hisobiga moliyalashni taklif qilgan edi. Siyosatchi jamg‘arma besh manba: xalqaro va moliyaviy tashkilotlar, gumanitar tashkilotlar, xususiy firmalar yordami, shuningdek, Ukrainaga o‘tkazilgan musodara qilingan mulklar hisobidan to‘ldirilishiga umid bildirgan. 

• Jahon
• Rossiya
• Shvetsiya
• Ukraina