Shvetsiya Tashqi ishlar vazirligi rahbari Tobias Bilstryom Qur'onni yoqish bilan bog'liq harakatlar fonida NATOga a'zo bo'lish jarayoni to'xtatilganini aytdi. U iyul oyida Vilnyusda boʻlib oʻtadigan NATO mamlakatlari Tashqi ishlar vazirliklari sammitida Turkiya bilan alyansga qoʻshilish borasida kelishib olish mumkinligiga umid bildirdi.

“O‘tgan bir necha haftadagi voqealar NATOga a’zo bo‘lish jarayonini vaqtincha to‘xtatdi... Albatta, biz Vilnyusdagi sammitni intiqlik bilan kutmoqdamiz”, dedi Tobias Bilstryom Expressen gazetasiga. NATOning navbatdagi sammiti 2023-yil 11-12-iyul kunlari Vilnyusda bo‘lib o‘tadi.

21-yanvar kuni Daniyaning Hard Line partiyasi vakili Rasmus Paludan (u ham Shvetsiya fuqaroligiga ega) Turkiyaning Stokgolmdagi elchixonasi oldida Qur’onni yoqib yubordi. Oradan bir hafta o‘tib Kopengagendagi Turkiya elchixonasi oldida ya’na bir bor Qur’onni yoqib yubordi. Aftonbladet nashriga bergan intervyusida faol Shvetsiya NATOga qabul qilinmaguncha har juma kuni Turkiya elchixonasi oldida Qur’onni yoqishga va’da bergan.

Turkiya hukumati Qur'onni yoqishni nafrat jinoyati deb biladi. Shvetsiya rasmiylari bunday harakatlarga xalaqit bermayotgani sababli Turkiya prezidenti Rajab Toyyib Erdo‘g‘on Shvetsiyaning NATOga kirish haqidagi arizasini qo‘llab-quvvatlashdan bosh tortdi.

• NATO
• Shvetsiya