Viloyat hokimi Akmaljon Maxmudaliyev Janubiy Koreyaning "Sun moon" universiteti prezidenti Son Je Mun boshchiligidagi delegatsiyani qabul qildi. Muloqot davomida 2023-yil dekabr oyida viloyatimiz vakillarining mazkur nufuzli universitetga tashrifi samaradorligi alohida qayd etildi. Erishilgan dastlabki kelishuvlarning amaliy jihatlari muhokama qilindi.
Son Je Mun Sirdaryoda universitet filialini tashkil taklifini bildirdi. O‘z o‘rnida viloyat hokimi Akmaljon Maxmudaliyev bunday tashabbusni qo‘llab-quvvatlashini ta’kidlar ekan, oliygoh faoliyatini yo‘lga qo‘yish uchun Guliston shahri tanlanganini ma’qulladi. Ma’lum qilinishicha, bu yerda dastlab IT va sun’iy intellekt texnologiyalariga asoslangan beshta dolzarb yo‘nalishlarda o‘qitish yo‘lga qo‘yiladi. Yana bir ahamiyatli jihati, universitetni sanoat tarmoqlariga tayyor mutaxassislarni tayyorlovchi ta’lim klasteriga aylantirish ko‘zda tutilgan. Buning uchun ta’lim jarayonlari ishlab chiqarish bilan to‘liq integratsiya qilinadi.
"Muloqot yakunida tomonlar ilgari surilgan takliflar bo‘yicha amaliy ishlarni davom ettirishga kelishdilar. O‘zaro hamkorlik memorandumi imzolandi", — deyiladi viloyat hokimligi Axborot xizmati xabarida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!