Ijtimoiy tarmoqlarda Surxondaryo viloyati Sariosiyo tumanidagi Alisher Navoiy mahallasida yashovchi fuqarolar To‘palang daryosi qirg‘og‘idan juda ko‘p mis tangalar topib olgani haqida ma’lumotlar tarqalgan.

Madaniy meros inspeksiyasi hamda Madaniy meros agentligi vakillaridan tuzilgan ishchi guruh Sariosiyo tumanida olib borgan o‘rganishlari natijasida bu ma’lumotni tasdiqlagan. Olimlar mazkur ashyolar hozirgacha vatanimiz hududidan topilgan Mirzo Ulug‘bek hukmronligi davrida zarb ettirilgan pul tangalarining eng katta va yaxshi saqlangan xazinasi ekanligini ta’kidlashmoqda.

Shuningdek, Agentlik topilmalar mahalla fuqarolar tomonidan talon-taroj qilinayotgani bois mazkur hudud muhofazaga olinganini ma’lum qildi. 9-martdan boshlab, Sariosiyo tumani To‘palang daryosi hududida ilmiy izlanishlar olib boriladi.

• Madaniy meros
• Surxondaryo
• mis