Ma’lumotlarga ko‘ra, Tailandning Kalasin viloyatida omikrondan kasallangan ilk bemorlar qayd etilgan.
Shuningdek, hozirda yangi shtammdan infeksiyalanganlar soni 21 tadan oshgan, deya xabar bermoqda “Tailand COVID-19” ishchi guruhi matbout kotibi.

Qayd etilishicha, ilk omikron Belgiya sayohatidan qaytib kelgan er-xotindan aniqlangan. Ammo, ular emlanganliklari sababli karantinga olinmagan. Endilikda hukumat majburiy vaksinalanishni joriy qildi. 
Ma’lumot o‘rnida aytish joizki, Italiyada majburiy niqob taqish qayta tiklandi. Oxirgi 24 soat ichida pandemiya sababli hayotdan ko‘z yumganlar soni 168 nafarga ortib, 136 ming 245 nafarga yetgan.

Xususan, Ispaniya sharqidagi Kataloniya avtonom viloyatida yangi yilning birinchi kunidan boshlab soat 01.00 dan 06.00 gacha komendantlik soati joriy qilinib, jamoaviy tadbirlar 10 kishi bilan cheklangan.

Shuningdek, Gretsiyada odamalar uylarida ham niqobda yurishi ma’lum qilingan.
Hozirda Fransiya, Italiya hamda Buyuk Britaniya kunlik infeksiyalanganlar soni bo‘yicha rekord darajalarini o‘rnatmoqda.

• Tailand
• koronavirus