“Muzeydagi tun” va “Tansoqchi” kabi filmlardagi unutilmas rollar bilan tomoshabin yodida qolgan amerikalik aktyor Bill Kobbs Kaliforniyada vafot etdi. Aktyor yaqinda 90 yoshni qarshilagan edi.

Bill Kobbsning oilasi ijtimoiy tarmoqlarda uning umri o‘z uyida, tinchlik va xotirjamlikda yakun topganini e’lon qildi:
“Biz Bill abadiy tinchlik olamiga ketganini bilganimiz uchun o‘zimizga tasalli olamiz. U biz uchun eng sevimli odam, to‘ng‘ich aka, amaki, ota, cho‘qintirgan ota va do‘st edi. Biz kuni kecha Billning 90 yoshini yaqinlarimiz qurshovida nishonlagan edik”, - deyiladi uning oilasi tomonidan berilgan bayonotda.

Bill Kobbs karyerasini 1970-yildan boshlagan. U “Tez yordam”, “Tansoqchi”, “Soprano klani”, “Yetar, bas!”, “Muzeydagi tun” va boshqa filmlarda ishtirok etgan. 2012-yilda aktyor “Startga tur!” serialida Metyu Perri bilan birga rol ijro etgan.

• Kino
• gollivud