“Taxtlar oʻyini” prikveli – “Ajdaho uyi” seriali tez kunlarda taqdim etilishidan xabardorsiz. Ijodkorlar uning ikkinchi mavsumini ham suratga olishlari haqida maʼlum qildilar. U hali taqdim etib ulgurilmagan birinchi mavsumning davomi boʻladi.

“HBO Max” ning rahbarlaridan biri Keysi Bloys “Ajdaho uyi”ning ikkinchi mavsumi ham suratga olinishi mumkinligi haqida gapirgan edi.

Prikvelning ikkinchi mavsumi Jorj Martinning “Alanga va qon” asari asosida suratga olinadi. Unda “Taxtlar oʻyini” serialidagi hodisalardan 200 yil avvalgi davr va Targariyenlar uyining tarixi haqida soʻz boradi.

Eslatib oʻtamiz, birinchi mavsumning suratga olish ishlari fevral oyida yakunlangan edi. “Ajdaho uyi” serialining taqdimoti 21-avgust sanasiga rejalashtirilgan.

• Kino
• Madaniyat
• San’at