Toshkentda bo‘lib o‘tayotgan xalqaro madaniy meros haftaligi doirasida Fransuz tadqiqotlar milliy markazining professori Karim Ifrakning ta’kidlashicha, ushbu qo‘lyozmaning tarixi XIV-XV asrlarga borib taqaladi.

Temuriylar davrida yaratilgan muhtasham Qur’on mus’hafi bosh ofisi Londonda joylashgan Christies kimoshdi savdosi uyi yordamida topildi.

Uning yaratilish tarixi o‘ziga xos ramziylikka ega, sababi undagi har bir so‘z oltin suvi bilan bitilgan. Kitobning zamonaviy texnologiyalarsiz, bunday usulda yaratilgani uning yanada ulug‘vor va bebaholigini ta’minlaydi.

Ma’lum qilishlaricha, hozirda Islom sivilizatsiyasi markazi va O‘zbekiston madaniy merosini o‘rganish, asrash va ommalashtirish bo‘yicha Butunjahon jamiyati bilan hamkorlikda qo‘lyozmaning faksimile nusxasini O‘zbekistonga qaytarish bo‘yicha ish olib borilmoqda.

• Amir_Temur
• Qur’oni Karim
• topilma