Kecha, 31-yanvar kuni Ayollar tennis assotsiatsiyasi (WTA) tennischilarning yangilangan reytingini eʼlon qildi.

Unga koʻra, Avstraliya ochiq chempionati gʻolibi Eshli Barti taʼqibchilaridan ancha ilgarilab, yakka peshqadamga aylanib oldi. Belarus vakilasi Arina Sobolenko ikkinchi, chexiyalik Barbora Kreychikova esa uchinchi oʻrinda qayd etilgan.

Reytingning eng shov-shuvli natijasi, shubhasiz, joriy yilgi “Australian Open” finalchisi Daniyel Kollinsning 30 pogʻona yuqorilab, TOP 10 talikka kirishi boʻldi. Oʻtgan yilgi chempion Naomi Osaka esa 71 ta oʻrin pastlagan va 85-raqam ostida qayd etilgan.

1. Eshli Barti (Avstraliya) — 8331 ochko.

2. Arina Sobolenko (Belarus) – 5698 ochko.

3. Barbora Kreychikova (Chexiya) – 5533 ochko.

4. Iga Sviatek (Polsha) – 4456 ochko.

5. Karolina Plishkova (Chexiya) — 4452.

6. Paula Badosa (Ispaniya) — 4429 ochko.

7. Garbin Mugurusa (Ispaniya) – 4195 ochko.

8. Mariya Sakkari (Gretsiya) — 4071 ochko.

9. Anett Kontaveyt (Estoniya) — 3871 ochko.

10. Daniyel Kollins (AQSh) – 3071 ochko.

Maʼlumot uchun, ayollar oʻrtasida Oʻzbekistonning birinchi raqamli tennischisi Nigina Abduraimova 10 pogʻona yuqorilagan holda WTA reytingda 318-oʻrinni egallab turibdi.

• Jahon
• Tennis